නොකරමි ආලය කරන්නට - කරමි ආලය විඳින්නට

ආයෙමත් ඇවිල්ලද
ආලයක්‌ මේ හිතට...
නෑ ඒත් වෙන්න බෑ
හිත පුරා ආදරේ ඉතිරිලා යද්දි
හංගන්න හැදුවාට
හංගන්න බෑනෙ මට...

සිහිනයෙන් හිනාවෙනවද මන්ද මම නුඹ නිසා...
දෑතින්ම මුහුණ වසාගෙන
මෑත් කර හොරෙන් දබරැඟිල්ල
මං දිහා බලන කොට
සත්තමයි හිතෙනවා
මහ හුඟක් ආදරේ...
කැමති නන් දොඩවන්න
සිනාසී සිටින තුරු නුඹ...
ආසයි එකම එක වරක්
දැකගන්න ඔය මුහුණ...
ඇස් වලින් පින්තූර ගෙන
හදවතේ රඳවන්න...

හිමිදිරිය ඔබයි මගෙ
රාත්‍රිය ඔබයි මගෙ
වරින් වර තතු විමසුවද නුඹේ
ලැබෙන්නේ මඳ පමාවකිනි පිළිවදන්...

කල් ගතවු ආලයෙන්
පීඩා විඳි බව දනිමි ඔබ මා මෙන්ම...
එහෙයින්ම
ඇරයුම්
නොකරමි ආලය කරන්නට - කරමි ආලය විඳින්නට
මන්ද
මමද තනි තරුවක්මි
ඝනඳුරට  පෙම්බඳින
අහිමි කරගනු නොරිසි
අවසන
ඉතිරි ඝනඳුර....