එයා(ර්)ටෙල්

මේ දවස් වල ටී.වී එකේ යන ඇඩ් එකක් ගැනයි අද මගේ කතාව. මම ඔහෙ ආවට ගියාට නෙ ඕක බලන්නෙ. ඉතින් මේක කොයි කාලෙ ඉඳං යනවද කියන්න මම දන්නෙ නෑ. අනික මේ පොස්ට් එක දාන්න හිටියෙත් මීට දවස් තුනකට විතර උඩදියි. ඒ මම මේ ඇඩ් එක දැකපු මුල්ම දවස.. දැන් කට්ටිය විහිලු කරන්න එපා හරි?   කොහොමින් කොහොමින් හරි මඟ හැරුනා.. ඉතින් පරක්කු වෙලා හරි මට මේ පොස්ට් එක දාන්නම ඕන උනා.ඇති වැල් වටාරම්. කතාවට බහිමු.

මම කියන්න හදන්නෙ  එයර්ටෙල් ඇඩ්  එක ගැන. ඔයා ටීවී බලනව නම් මේක දැකල ඇති.. ඒකෙ තියෙන්නෙ බොහොම සුන්දර  අත්දැකීමක්.

මෙන්න මෙහෙමයි සීන් එක. ( මේ කියන්නෙ දන්න අයට නෙමේ, මං වගෙ කරුමෙට ටී.වී නොබලන උන්ට.) ඇත්තටම මේක ඉන්දියාවෙ හදපු එකක්නෙ. ලංකාවෙ සම්පුර්න ඇඩ් එකම පෙන්නන්නෙ නෑ..You Tube එකේ නම් මුළු ඇඩ්  එකම බැලිය හැකි. මම කතා කරන්නෙ ලංකාවෙ පෙන්නන කොටස ගැන විතරයි. ඒ ඇඩ්  එකේ එක සිද්ධියක් මගෙ හිතට හොඳින්ම දැනෙනවා. ඔයාලටත් එහෙමද බලන්න.

පන්ති කමරෙක කොල්ලො කෙල්ලො පිස්සු නට නට ඉන්නවා. ඒ අතරෙ එක කොල්ලෙක් ගිහින් ඊළඟට උගන්නන්න එන සර්ගෙ කාටුන් ෆොටෝ එකක් බෝඩ් එකෙ අඳිනවා. ඇඳලා මොකුත් දන්නෙ නෑ වගේ වාඩිවෙනව. ඔන්න තව ටිකකින් සර් පන්තියට ඇවිත් බෝඩ්  එකදැකල බෙරිහන් දෙනව “කව්ද මේක ඇන්දේ?” කියල. ඇඳපු එකා ටිකක් බය වෙලා වගෙ. ටිකක් වෙලා යනකල් කවුරුත් අත උස්සන්නෙ නෑ.. ඊට පස්සෙ එක කොල්ලෙක් අත උස්සනව. ඔන්න ඊට   පස්සෙ මුලු පන්තියෙම ළමයි ටික අත් උස්සනවා. එතනින් ඇඩ් එක ඉවරයි. පහල තියෙන්නේ ඇඩ්එක තමා..

මේක මුදල් ඉපයීමේ පරමාර්ථයෙන් හදපු එකක් වෙන්න පුලුවන්. ඒත් මේකෙන් ලොකු දෙයක් කියවෙනවා. ‍යාලුවෙක් කරදරේ වැටුන වෙලාවක එයා වෙනුවෙන් ඉදිරිපත් වෙන්න මුලු පන්තියකම ළමයි ඉන්නවා කියන්නෙ ඒ එකිනෙකා අතර කොයි තරම් නම් යාළුකමක් තියෙන්න ඕනද? ටිකක් ඔයාගෙ යාලුවො ගැන කල්පනා කරල බලන්න. අර වගෙ අවස්ථාවකට ඔයා පත් වුනොත් ඔයාව බේරගන්න කීදෙනෙක් ඉන්නවද ඔයාව සර්ට අහු කරල දෙන්න, “සර්, මෙයා තමා ඇන්දේ ” කියල කියන්න කීයක් ඉඳීද? අපි හැමෝටම යාළුවො කියන්නෙ ගොඩක් සමීප කට්ටියක්. හැබැයි එයාල කොයි විදියෙ අයද කියල හොඳට තේරුම් අරන් ඒ ඒ පුද්ගලයා අනුව තම අපි වැඩ කරන්න ඕන..

"මේ ඕන ෆ්‍රෙන්ඩෙක් වැදගත්නේ මචං"

ලා..ලාලා.. ලලලල ලාලා.. ලලලල ලලලා ලාලලා...

මේ පෝස්ට් එක ලිව්වෙ එයාර්ටෙල් ප්‍රමෝට් කරන්න නෙමේ ඕන්. ලංකාවෙ අපිට නම් ඩයලොග් තමා..